Boogie, el aceitoso, creado polo escritor e humorista arxentino Roberto Fontanarrosa ten agora unha versión de animación en 3D que se vén de estrear en Arxentina. O filme, coproducido con México, foi realizado pola produtora Illusion Studios, sendo o seu director Gustavo Cova. Fontanarrosa chegou a ler o primeiro guión antes de morrer, que está baseado en moitas das viñetas do personaxe. O policial negro, non exento dunha boa dose de violencia característica en Boogie, é o estilo no que se move esta obra, que tivo un custe de 2`5 millóns de dólares. O actor Pablo Echarri e a actriz Nancy Dupláa ( a súa esposa na vida real) puxeron as voces a Boogie e Marcia, a súa noiva.
