Producións Peludas

Teño un presentimento moi negativo sobre o futuro de Aminatou e non confío moito naqueles que deben loitar pola súa vida diante do monarca de Marrocos. Encantaríame trabucarme, ogallá sexa así. E para ela, con todo o agarimo, traio o vídeo doutra loitadora saharauí, o da cantante Mariem Hassam, a voz máis sobranceira do seu país e unha artista á que puidemos contemplar hai non moito no teatro Rosalía de A Coruña nun concerto moi interesante no que despregou esas tonalidades tan particulares. Elas levan area na gorxa, para falar ou cantar e, sobre todo, para reivindicar o dereito dun pobo a decidir pola súa conta.