A canle de televisión do grupo Hamas, Al Aqsa TV, está a emitir unha serie de debuxos animados onde se amosa ás forzas de seguridade palestinas de Cisxordania como aliadas de Israel. O protagonista é Bahlul (que en árabe significa bufón), un policía que se pon completamente ao servizo dun soldado israelita. No capítulo piloto vese como este home bica as botas do soldado, a quen comenta que arrestaría aos seus familiares, mataría ao seu irmán e pediría o divorcio se os israelitas o ordeasen.
