O cineasta brasileiro Walter Salles rodará o drama “Our Wild Life”, baseado na vida e no traballo de Daphne Sheldrick, unha loitadora contra a extincións dos animais salvaxes en Quenia. Esta muller pasou grande parte dos seus 75 anos tentando reintegrar elefantes, rinocerontes, cebras e búfalos, entre outros animais orfos, ao seu habital natural.

Viggo Mortensen volve traballar co director David Cronenberg. O actor substituirá a Christopher Waltz na cinta “The Talking Cure”, na que interpretará a Sigmund Freud, o pai da psicoanálise. A historia xira ao redor do conflito xurdido entre Freud e o seu pupilo Carl Jung, que será encarnado por Michael Fassbender. Pola súa banda, Keira Knightley dá vida a unha inglesa con problemas que será tratada medicamente por Jung.  O texto de Christopher Hampton servirá como base para o guión definitivo.

Este tipo de películas con diferentes sketches tivo o seu tirón nas décadas dos 60 e os 70. Agora resucitaron a conta das cidades, lembremos os adicados a París e Nova Iorque. A Relativity Media prepara unha comedia con varios episodios e xa ten contratados para o elenco a Hugh Jackman, Kate Winslet, Gerard Butler, Naomi Watts, Liev Schreiber, Johnny Knoxville, Seann William Scott, Emma Stone e Matt Walsh. Entre os dezasete directores previstos xa contan con Peter Farrelly, Elizabeth Banks, Brett Ratner, Bob Odenkirk e Griffin Dunne.

A semana pasada, o xornal dinamarqués Politiken desculpouse por publicar doce caricaturas do profeta Mahoma. A primeira vez que as publicaron, empresas nacionais que exportaban para países islámicos viron como o seu negocio era afectado en millóns de dólares. En 2008, o director do xornal comentou que era importante non ceder ao terror e volveu insistir en facer humor con Mahoma e agora chegan esas excusas. Dise que a causa é a denuncia dun avogado saudita, fillo dun antigo presidente da OPEP, que se presentou como representante dos 94.500 descendentes vivos do profeta e coas súas ameazas de procesamento se non pedían deculpas públicas. O debuxante Kurt Westergaard, autor do debuxo no que se ve a Mahoma cunha bomba no turbante, vén de safarse dun atentado que pretendía matalo por facer esa obra. Agora ve como o seu xornal muda de postura e comenta que o Politiken “desistiu da liberdade de prensa”. Westergaard é finalista nos Premio José Couso que entrega o colexio de xornalistas, e conta co meu voto para poder gañar ese galardón.

A industria de Bollywood explora novas vías publicitarias e vén de lanzar un desafío aos espectadores. Quen consiga ollar ‘Phoonk 2’ até o final sen ter medo será recompensado con sete mil euros. Para evitar trampas, quen pretenda pasar esa proba deberá someterse a un monitor cardíaco e unha cámara  que o filme  constantemente, para saber que non pecha os ollos durante a proxección. Agora os que poñen os cartos fan as cousas con sentidiño, xa que no primeiro filme da saga realizaron un desafío semellante, pero sen apoio tecnolóxico ningún e o director da cinta afirma que o suposto gañador non pasou máis de media hora no cine, mentres o vencedor do reto di que chamou a un médico e testemuñas para probar que  non tivo medo “nun filme tan parvo”.

E esta tipa (poño mellor fulana?) estaba antes no PSOE, pero xa sabemos que detrás desas siglas agocháronse máis dun e dous fascistas.

Ti, claro, es bilingüe, cunha lingua dis parvadas e con outra lambes cús para poder medrar en política.

Non me fagas caso, muller, que son “gallego”.